- என் வீட்டுக் கண்ணாடி

நேசிக்கப்படுதல்
வரமென்பேன்...

என் நிர்வாணங்கள்
உனக்கு
பழக்கப் பட்டவை..

ஈரக் கூந்தலில்
தெளிக்கும்
ஒர் துளி நீரில்
உருகி வழிந்திருக்கிறாய்...

என்னை விட
என்னை அதிகமாக
நானறியாமல்
ரசித்தது நீ ...

உரோமக் கணுக்களை
உன்னிப்பாக கவனிக்கிறாய் நீ

உன்னோடுதான்
அதிகம் பேசி இருக்கிறேன்.

என் கண்ணீர்
புன்னகை
கோபம் தாபம்
இதையெல்லாம்
அதிகம் பார்த்திருக்கிறாய்..

அதிகமான
என் கோபங்களை
அடக்க சொல்லி கொடுத்திருக்கிறாய்..

என் புன்னகையின்
சொந்தம் நீ
என்னை அழகு படுத்துவதில்
அத்துனை இன்பம் உனக்கு..

அழுதால் அழுது
சிரித்தால் சிரித்து
என்னோடு இன்புற்று துன்புற்று
எத்தனை வயசானாலும்
உன்னால் மட்டும்தான்
என்னை
என் குணாதியங்களை
அப்படியே காதலிக்க முடியும்..

- என் வீட்டுக் கண்ணாடி